Вакыт үтәр, гафу сорар...

КОРЫЧ ХОЛЫК

Язмышыңның ачы җилләреннән

Кояш нурын кушып тәкыя үрдең,

Шашып яуган бозлы яңгырлардан,

hәр чәчәккә купшы пәрдә элдең!

Тояк астыннан очкан ташлардан

Күз карашларың белән эретеп

Әкияти сарай-кирмән кордың,

Алтын-көмеш төсне мул йөгертеп!

Түбән җанлы бәндә сүзләреннән

Каушамадың, көлдең үзләреннән

Вакыт үтәр, гафу сорар синнән,

Канлы яшен кояр күзләреннән!

hәр яңа көн сиңа бәхет юрый,

Дошманнарың айга карап улый,

Чыныктыра гына кырыс бушлык,

Ярдәм итәр сиңа корыч холык!

Марсель ШАРАПОВ,

Арча районы, Сарай - Чокырча авылы

С.Мингатина фотосы