Бу хакта брифингта ТР Транспорт һәм юл хуҗалыгы министры Фәрит Хәнифов сөйләде.
Төбәк һәм җирле юлларга 82,2 миллиард сум акча тотылган. Күпчелек өлеше (74,28 миллиард) Татарстан бюджетыннан, тагын 7,9 миллиард - федераль бюджеттан киткән.
Быел 37 километр озынлыктагы автомобиль юлларын грунтлыдан вак ташлы-комлыга күчерү өчен өстәмә миллиард бүлеп бирелүе билгеләп үтелә.
Тагын 36,6 миллиардны муниципалитетларның урам-юл челтәренә тотканнар.
Казанга - 16,2 миллиард, Яр Чаллыга - 4,5 миллиард, Түбән Камага 1,6 миллиард керткәннәр.
Калган муниципаль берәмлекләргә 14,2 миллиард киткән.
Фәрит Хәнифов билгеләп үткәнчә, муниципалитетлардан «федераль трассалар тапшырган вакытка караганда» уңай бәяләмәләр дә күбрәк булган.
Нет комментариев