Хәбәрләр
Казанда электр поезды таптаган 21 яшьлек егет һәлак булган
Казанда электр поезды 21 яшьлек егетне бәрдереп үтергән. Тикшерү үткәрелә, дип хәбәр иттеләр Россия Тикшерү комитетының Үзәк төбәкара транспортта тикшерү идарәсе матбугат хезмәтендә.
Якынча мәгълүматлар буенча, фаҗига кичә кич Горький тимер юлының Новаторлар – Компрессор аралыгында булган.
Тимер юл аркылы чыгып килүче 21 яшьлек егет поезд астына эләккән. Машинист поездны туктатырга тырышса да, булдыра алмаган. Җитди җәрәхәтләр алган егетне хастаханәгә китергәннәр һәм шунда аның йөрәге тибүдән туктаган.
Тикшерү комитеты хезмәткәрләре беренчел тикшерү чаралары үткәрә, һәлакәтнең барлык шартлары ачыклана.
Следите за самым важным и интересным в Telegram-каналеТатмедиа
Нет комментариев