Әтнә таңы

Әтнә районы

18+
2024 - Гаилә елы
Хәбәрләр

Казанда табиблар мармелад белән тончыккан 2 яшьлек малайны коткарган

Малай мармелад белән тончыккан, телен тешләгән һәм суламый башлаган.

Кичә кич, Татарстанның Республика клиник хастаханәсе табиблары мармелад белән тончыккан 2 яшьлек малайны коткарган.

Баланы хастаханәгә әтисе алып килгән. Ул сөйләгәнчә, малай мармелад белән тончыккан, телен тешләгән һәм суламый башлаган.

Малайга реанимацияне табиб Ринат Фазлыев ясаган. Бала үзлегеннән сулыш ала башлый. Аны Балалар клиник хастаханәсенә күчерергә әзерлиләр.

«Кабул итү бүлегеннән кулына бала күтәргән шәфкать туташы керде. Малай зәңгәрләнеп беткән, суламый иде. Мин Геймлих алымын кулландым. Мармелад тын юлларыннан чыкты», — дип сөйләде реаниматолог Ринат Фазлыев.

«РКБ олыларга ярдәм күрсәтә торган хастаханә булуга да карамастан, кабул итү бүлеге хезмәткәрләренең тиз реакциясе аркасында баланы коткарып калып булды», — диделәр хастаханәнең матбугат хезмәтендә. 

Чыганак: https://tatar-inform.tatar/news/incident/23-09-2021/kazanda-tabiblar-marmelad-bel-n-tonchykkan-2-yashlek-malayny-kotkargan-5838792

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X