Татарстанда официантларның уртача хезмәт хакы 65 мең сумнан артып китә, бу үткән ел белән чагыштырганда 16 процентка күбрәк. HR-эксперт Зулия Лоикова «Татар-информ» агентлыгына шул хакта хәбәр итте.
«Шуны аңларга кирәк, бу хезмәт хакында бонуслар, өстәмә һәм чәйлек акча исәпкә алынмаган. Аларны да кушкач, кайбер оешмаларда эш хакы 80-120 мең сумга җитә», - диде эксперт.
Ул шулай ук статистикада Яңа ел бәйрәмнәре исәпкә алынмавын әйтте. Әлеге бәйрәмнәрдә оештырылган корпоративлар һәм банкетларда кайбер официантлар хезмәт хакын ярты ел эшләгән күләмдә ала.
Нет комментариев