Иреккә риза түгел, төрмәгә барасылары килә. Андыйлар да бар Әтнәдә

Әтнә җәза үтәтү инспекциясеннән 9 айга төрле җәзага хөкем ителгән 51 кеше  үткән.Шуларның дүртесе - хатын-кызлар.

Бу хатын-кызларның икесе -  әйбер урлап, икесе алимент түләмәгәнгә хөкем ителгән.  Калганнары - ирләр.

Суд чыгарган хөкемне тиешле дәрәҗәдә үтәмәгән өчен, 6 хөкем ителүчегә сынау шартлары катгыйланып, аларның хөкем ителү сроклары арттырылган. Ә 3 кеше ирегеннән мәхрүм ителгән.

- Менә монысын аңлап булмый, шартлы рәвештәге җәзага хөкем ителеп, тиешле көнне билгеләнеп, суд карарын тиешле дәрәҗәдә үтә генә инде, юк, риза түгелләр, төрмәгә барасылары килә...,- ди җәза үтәтү инспекциясе башлыгы Клара Кадимова.

Күрәсең, анда рәхәтрәк дип уйлыйлардыр инде. Аллам сакласын.  Аңлап кара син бу адәм баласын.

Узган елгы белән чагыштырганда бу күрсәткечләр бер дәрәҗәдәрәк.

С.Мингатина фотосы