Әтнә таңы

Әле документлары да килмәгән : "Нур" театр коллективына дәрәҗәле исем бирелде

Бәрәскәләр уйнаган спектакльләрне барлыйк әле.

Кайсы спектакльләрен караганыгыз бар икән, булмаса, карагыз, бик тиздән алар Зәки Зәйнуллинның "41нең арбалы хатыннары" спектаклен күрсәтәчәкләр. Бу спектакльдә коллективның дүрт артисты уйный.

Бәрәскәләр сәхнәләштергән спектакльне карарга,  алар  белән бергә  Г.Камал театрының кече залына барып йөргәнем хәтердә. Зал тулы, Г.Камал театрының берничә артисты да караган иде. Алкышлар, мактау сүзләре күп әйтелде. Камал театрына дистәләгән  артист үстереп биргән Бәрәскә булсын да, начар булсын. Аннан соң да очрашырга туры килгәләде алар белән. Г.Камал театры артистлары белән дә еш очрашып торды алар. 

Ленин исемендәге нәсел заводы  җитәкчесе Илгиз Вилдан улы Хәйруллинның, авыл җирлеге башлыгы Аида Вафа кызы Фатыйхованың ярдәме белән, 1998 нче елдан бирле эшләп килгән бу коллектив төрлечә аталса да, ул Бәрәскә мәдәният йорты каршында эшләде. Спектакльләрне сәхнәгә мәдәният йорты директоры Зөлфия Корбанова куйды. 

- Мин үземне режиссер дип санамыйм, үзем ничек күрәм, шулай куям. Безнең җирлектән чыккан артистлар байтак, Марсель абый Җаббаров белән дә бергәләп  эшләгән чак булды. Җае килгәндә гел киңәшләшәм, сорашам. Артистларыбыз - үзебезнең җирлек кешеләре, механизаторлар да, сыер савучылар да сәхнәгә менә. Уйныйбыз дип торалар.  Мәртәбәле артисткабыз Наилә апа Гәрәева да безнең авылда яши. Аның киңәшләре бик булыша, ул үзе дә спектакльләребезне килеп карап, ничек уйнарга кирәклеген әйтә. Менә шул рәвешле эшләп, Наил Гаетбайның "Кызлар килде авылга", Юныс Әминовның "Өти балак", Туфан Миңнуллинның "Диләфрүзгә дүрт кияү", Әсгать Мирзаһитовның "Куендагы елан" спектакльләрен сәхнәгә куйдык. "Идел-йорт" фестиваленә "Өти балак" белән катнашып караганыбыз булды. Туфан Миңнуллинның "Диләфрүзгә дүрт кияү" спектаклен Мәдәният минисрлыгыннан килгән белгечләр Бәрәскәдә  карап киттеләр. Уңай фикерләрен ишетү бик рәхәт  булды. Бу -  безнең "Нур" театр коллективына   - "Үзешчән халык театры коллективы" (""Народныйсамодеятельный коллектив") исеме бирелүне дә яңа гына белдек. Электрон почтабызга  исем бирелү турындагы хатны салганнар. Куандык инде. Тик әле ышанып бетә алмыйбыз, - ди Түбән Бәрәскә мәдәният йорты җитәкчесе Зөлфия Корбанова.

"Үзешчән халык театры коллективы" исеме бирелү турындагы боерык  агымдагы елның 22 нче гыйнвар көнне дөнья күргән.

Кәгазь документлар булдыру - анысы вакыт эше.

   Бөек Җиңүнең 75 еллыгына Түбән Бәрәскә "Нур" Халык театры коллективы  Зәки Зәйнуллинның "41нең арбалы хатыннары" әсәрен сәхнәләштерә. Ошыймы аталышы?  Әлбәттә. Башкача була да алмый. Районыбызда Халык исемен йөртүче коллективлар арта. Бергәләп куаныйк.

Котлыйбыз Сезне. Шул исемгә лаек булып эшләргә язсын.

 

Фото: https://vk.com/id166516781?z=albums166516781

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: