Тиздән өлкәннәр көне

"Картаерга теләмәгән күңелләрнең гел яшь каласы килүеме? Санап китсәң, бу сорауга әллә ни кадәр җавап табып булыр иде дә... Тик аларның боеккан күңелләренә яшәү чаткылары өстәп, тынгы белмәс җаннарына янә бер сабырлык сирпеп үтү һичкайчан соң түгел! Күәм авыл җирлеге әзерләгән бүләкләрне таратып чыктык бүген. Биргән бүләкләргә артыңнан әллә ни кадәр яхшылык яудырып калучыларыбыз алар. Минем олылар белән әз генә тәҗрибә булгачмы, нишләптер алар белән очрашу миңа рәхәт хисләр бүләк итә. Яшермим, нәкъ менә аларның тәмле сүзләрен гел - гел ишетәсем килеп тора", - дип язган Дусым авылы мәдәният йорты җитәкчесе Альбина Хакимова.