Әтнәнеке – 122 процент!
Татарстан авыл хуҗалыгы һәм азык-төлек министрлыгының 2 мартка биргән оператив мәгълүматларында, Әтнә районындагы көнлек тулай савымның 265,1 тонна булуы хакында хәбәр ителә.
Былтыргыдан 47,7 тоннага күбрәк бу, ягъни, узган елгыга карата 122 %. Күз алдына китерик әле, Әтнә сөте соңгы 12 айда, уртача алсак ай саен 4 тоннага артып барган. Сүз уңаеннан искә алыйк, районда алдагы көнгә карата да көнлек тулай сөт күләме 1 тоннага якын арткан.
Республикада тагын бер район – Сабада да узган елгыга карата 122 % күләмендә тулай сөт савалар. Тик биредә көнлек тулай савым азрак – 208 тонна.
Бер сыердан сауган тәүлеклек савым күләме дә Әтнә файдасына – план сыерларына бүлсәк, район күмәк хуҗалыклары 31,1 килограмм сөт савалар.
Автор фотосы
Следите за самым важным и интересным в Telegram-каналеТатмедиа
Нет комментариев