"Дөньялар тыныч булсын!"

Сайлау участогы ачылышка ук бирегә халык агыла башлады. Әлбәттә, кечкенә авылда сайлауларга килүчеләрне халык ташкыны дип атап булмый. Шулай да бер-бер артлы килүләрен күргәч, хәтта, горурлык хисе туды. Дөрестән дә, үз авылыңда сайлау өстенлеклерәк!

82 яшьләрен тиздән тутыручы Сөембикә Мәгъсүмҗанова кызы Рүзилә белән һәм шулай ук 82нче яше белән баручы Ләбибә Маннапова бергә килгәннәр. Аларның фикере бердәй яңгырады:

- Дөньялар тыныч торсын - депутатларыбыз күбрәк шуңа игътибар итсеннәр. Моннан тыш, пенсионерларга да игътибар артсын иде, - диләр.