Марат Әхмәтов: " Рөстәм Миңнеханов10 ел җитәкчелек итә - бу масштаблы иҗат еллары"

Соңгы ун ел -  Татарстан өчен ТР Президенты Рөстәм Миңнеханов җитәкчелегендә зур күләмле иҗат итү һәм үсеш еллары булды. Республика җитәкчеләре командасы акрынлап яңара, ә икътисадый күрсәткечләр үсә. «Татар-информ» мәгълүмат агентлыгында ТР Дәүләт Советы Рәисе урынбасары Марат Әхмәтов әнә шундый фикер белдерде.

«Бу - хакимиятнең яхшы дәвамчанлыгы үрнәге, чөнки команда сакланып калды һәм акрынлап яңара бара. Бу масштаблы иҗат еллары булды", - дип билгеләп үтте Әхмәтов.

Бу елларда Татарстан бюджетының керемнәре ике тапкырга диярлек арткан. 2010 елда бюджетның керем өлешен 140 млрд. сумга якын бәяләсәләр, 2020 елга планнарда 270 млрд.сум тәшкил итәчәк. "Икътисадта тулай төбәк продуктын, республика бюджеты керемнәрен, республиканың тотрыклылыгын чагыштырырга кирәк. Без 2010 елда старт алган һәм хәзер килгән күрсәткечләр -  узган 10 ел үсеш һәм үсеш чоры булуын ачык күрсәтә", - дип ассызыклады Әхмәтов.

Рөстәм Миңнеханов Татарстан Президенты вазыйфасына нәкъ 10 ел элек — 2010 елның 25 мартында кереште. Моңа кадәр ул республика Премьер-министры иде.