"Парклар маршы -2019" җиңүчеләрен бүләкләделәр
Бүген "Ашыт" сакланышы җитәкчесе Рамил Сабиров, инспекторлар Рәшит Әхмәтҗанов, Гулнара Абдрахманова, Аделина Мөхәммәтҗанова районыбыз мәктәпләрендә булып, укучыларны бүләкләделәр.
Быел "Парклар маршы -2019" бәйгесе "Кызыл китап эзләре буйлап" дигән тематикага багышланды һәм әлеге бәйгегә районыбыздан йөзгә якын укучы катнашты.
- Алдагы еллар белән чагыштырганда быелгы бәйгегә укучылар азрак катнашты. Менә шушы укучыларның иң әйбәт дип санаган 20 эшен төбәк бәйгесендә катнашыр өчен башкалага җибәрдек, - ди "Ашыт" сакланышы җитәкчесе Рамил Сабиров.
Иң зур бүләк - "Кызыл китап" белән Олы Мәңгәр мәктәбе укучысы Зөһрә Хөснетдинова бүләкләнде.
Калган җиңүчеләр дә, катнашучылар да бүләксез калмады.
Аделина Мөхәммәтҗанова фотоларын тәкъдим итәбез,карагыз, сокланыгыз.
Следите за самым важным и интересным в Telegram-каналеТатмедиа
Нет комментариев