Татарстан Президенты: Әтнәнеке - арта

Татарстан Президенты Рөстәм Миңнеханов мөгезле эре терлек санын арттырган һәм киметкән районнарны атады. Ул Дәүләт Советына еллык Юлламасында баш санын киметкән районнарга вазгыятьне төзәтергә кушты.

«Татарстан Россиядә сөт җитештерү буенча алдынгы урынны били. Мамадыш, Әтнә, Саба, Кукмара районнары баш саны арттыруны дәвам итә. Шул ук вакытта кайбер муниципалитетларда тискәре тенденция күзәтелә», — диде Президент.

Кама Тамагы, Зәй, Аксубай, Теләче, Спас, Кайбыч, Түбән Кама, Сарман, Лениногорск, Азнакай, Апас районнарында баш саны кимегән. «Кайбер районнарда — Чүпрәле, Югары Ослан, Баулы, Спас районнарында — фермалар төзелеше буенча бер инвестицион проект та юк», — дип Рөстәм Миңнеханов бу районнарга чаралар күреп, юл картасы төзергә йөкләмә бирде.

Тулырак: https://tatar-inform.tatar/news/official/08-10-2021/r-st-m-mi-nehanov-m-gezle-ere-terlek-sanyn-arttyrgan-m-kimetk-n-rayonnarny-atady-5840492