Әтнәдә волонтерлар 17 өлкән кешегә булышты

Үз-үзеңне изоляцияләү шартларында "Кайнар линия"гә килгән шалтыратулар белән кызыксындык.

-   "Кайнар линия"  ( 88436921618 ) аша  мөрәҗәгать итүче   17 өлкән кешегә волонтерлар тарафыннан азык-төлек, дарулар алып кайтылды. Районда 70 тән артык кешедән торган волонтерлар штабы эшли. Һәр авылда волонтерлар билгеләнгән.  Алар үзләре өлкәннәр белән элемтәдә торып,  кирәк-яракларны алып кайтып бирәләр.  Болары 17 дән тыш.  Барлык авылларда да волонтерлар бик актив эшли. Без алар эшеннән бик канәгать, - ди "Изгелек" халыкка социаль хезмәте күрсәтү бүлеге җитәкчесе Зөлфирә Сәләхиева.