Тавык белән бәрәңге «рукав»та

Алабыз 4-5 аш кашыгы сыек май, 3-4 тырнак сарымсак, тәменчә кара борыч һәм тоз, Барысын бергә болгатабыз һәм тавыкка (тавык боты булса да ярый) сылыйбыз. 5-6 бәрәңге чистартып, телемләп турыйбыз, ләкин ахырына кадәр кисеп бетермибез. Бәрәңге таралмаслык булсын. Тавыкка сылаган катнашманы кабат әзерлибез һәм бәрәңгегә сылыйбыз. Түгәрәк араларына да кертеп. Һәм «рукав»ка тутырып 1-1,5 сәгатькә мичтә пешереп алабыз. Тәмле булсын.