Эремчек пилмәне - "Без шулай яратабыз"

Кайсы якта ничек аталадыр, безнең Әтнә ягында "Эремчек пилмәне" дип атыйлар аны.

Ничек пешерәсен белмәгән кеше юктыр, шулай да Райлә Кадимовадан сорыйсы иттем.

Ничек ясыйсың пилмәнне?

- Башта эремчек ясыйсы инде. Эремчеккә йомырка, каймак кушабыз. Бераз гына тоз салам. Камырын күкәйгә генә изәм. Камыр ясаганда аз гына тоз салам. Бераз суда пешереп алабыз, аннан соң сөт кушабыз. Тәлинкәгә шулпасы белән салгач, укроп, яшел суган салабыз. Без шулай яратабыз, - диде Райлә Кадимова.