“Прививка ясатыгыз, курыкмагыз”

Ә бүләк-күчтәнәчләрне авылдашыбыз Гөлия Шәйхиева өләште. Кешенең юктан гына да күңеле була. Олы кешеләрнең бигрәк тә. Ә монда күчтәнәч тутырган пакетлар бик мул иде. Киләчәктә дә Раббыбыз тиешенчә явымнарын биреп, кырларда игеннәр шаулап уңып, шулай мул итеп күчтәнәчләр алырга язсын.
Тик менә бу бетмәс-китмәс яман чир, күпләрнең гомерен өзгән коронавирус кайчан юк булыр инде.
Мин үзем олы яшьтә. Һәр кеше үз сәламәтлеге өчен үзе җаваплы. Шуңа күрә мин дә коронавируска каршы вакцина ясаттым. Янымдагы кызым да прививка кадатты.
Кызык хәл – шуннан соң бөтен чирләрем киткәндәй булды. Фикерем шул: райондашлар, авылдашлар, курыкмагыз – ясатыгыз вакцинаны! Төрле имеш-мимеш, уйдырмаларга ышанмагыз.
Сөембикә Мәгъсүмҗанова, Каенсар авылы