«Тере музыка» дәресе үтте

Әтнә район мәдәният йорты каршында эшләп килүче «Сөмбел» халык фольклор ансамбле Олы Әтнә мәктәбе укучылары өчен «тере музыка» дәресе үткәрде. Укучылар районыбыз халкының тарихын чагылдырган «Чыпта сугу», "Бәрәңге бәйрәме"ннән күренешләр карадылар, татар халкының җырларын тыңладылар, халык уен кораллары белән таныштылар. Милли моң хәзинәсен күрү һәм ишетү укучылар күңелендә татар сәнгате белән кызыксынуны арттырды.