Ни өчен черкиләр кайбер кешеләрне ешрак тешли?
Черки вакыты җитте, шуңа күрә бөҗәкләрне ничек биздерергә икәнен белү зыян итмәс.
Сизгәнегез бардыр: кайбер кешеләргә черкиләр башкаларга караганда ешрак утыра. Узган ел ахырында Current Biology журналында әлеге мәсьәләне өйрәнгәннәр.
Бинага алар ике төрле тукыма элгән: берсен кешеләр тоткан, икенчесе чит-ят исләрсез, чиста булган. Бүлмә эченә черкиләрне җибәргәннәр. Бөҗәкләр кеше исе аңкып торган тукымага ябырылган.
Экспериментны башкача да кабатлап караганнар: кеше исе килгән тукыманы селкетеп торганнар, ә чиста тукыма кисәге кымшанмый эленеп торган. Черкиләр хәрәкәтләнгән тукымага якын да килмәгән.
Тикшеренү нәтиҗәсе шундый: бөҗәкләр кеше исенә килә, әмма селкенгән объекттан куркалар.
Тикшеренү авторлары үзләренең ачышлары иҗтимагый сәламәтлек саклау өлкәсенә зур файда китерергә мөмкин, дип белдерә: бөҗәкләр бизгәк авыруын һәм башка инфекция белән авыручыларның чирләрен йоктыруга да сәбәп булып тора бит.
Иң кызыклы язмалар - Интертат Telegram-каналында
Следите за самым важным и интересным в Telegram-каналеТатмедиа
Нет комментариев