"Милләтләр кроссы"нда әтнәләр актив катнашты

Җиңүчеләр арасында да техникум студентларының күп булуына гаҗәпләнерлек түгел.

Билгеле сәбәпләр аркасында, быел ике яшь төркемендә генә ярыштылар: 14 яшькә кадәрге малайлар-кызлар һәм 14 яшьтән өлкән ир-егетләр белән кызлар бергә йөгерделәр. Мондый хәл коронавируска гына бәйледер дип саныйк та тынычланыйк. Югыйсә, болай гадел түгел ул, диючеләр күп иде. Ә менә спортчылар чапканда юлларны һәрьяклап япсалар, яхшырак булыр иде. Ярый әле, спортчыларны күреп, машиналар үзләре кырыйга чыгып туктадылар. Ялгышам, машиналар үзләре түгел, йөртүчеләре гамьле булып чыктылар...

Ә бәйгегә килсәк, кояшлы көнне җыелган спортчылар шактый иде. Аеруча, югарыда әйткәнемчә, техникумнарга сокландым.  

Ә урыннар түбәндәгечә булды.

14 яшькә кадәр:

1.Заһидуллин Ильмир

2.Вәлиуллин Ислам

3.Разумников Максим

14 яшьтән өлкәнрәкләр:

1.Ганиев Салават

2.Данилов Максим

3.Иванов Дмитрий