Алма желесы рецепты
Быел алма бигрәк уңды, алмагачның ботаклары күтәреп тора алмый. Бер алманы өзәсең икән, шап-шоп, әллә ничә алма коела. Тәмам кызарып пештеләр бит. Иренмичә эшкәртсәң, кыш буена химикатсыз, чын алма ашыйсың инде.
Алма желесы белән чәй эчәргә бигрәк тә күңелле. 3,5 кг алма, 1,5 литр су, 2,4 кг шикәр комы кирәк булачак. Алманы юарга, үзәген алырга һәм, су өстәп, пешерергә куярга.
Аннары марляга салырга, суы агып төшә, тик марляны сыкмагыз. Бу күләмнән 2 литр су чыга, шуңа шикәр комының яртысын (1,2 кг) салырга, 20 минут сүрән утта тотарга. Бу массага берничә ботак бөтнек салырга була. Аннары газны сүндерергә, бөтнекне алырга, калган шикәр комын салырга һәм яхшылап болгатырга. Желены стериль банкаларга тутырырга.
Следите за самым важным и интересным в Telegram-каналеТатмедиа
Нет комментариев