Әтнә таңы

Хәбәрнамә алдыгызмы әле?

Яңалык арты, яңалык. Кайда, нәрсә, ни өчен? Аңлап кына өлгер, валлаһи. Соңгы елларда пенсия фонды белән бәйле төрле үзгәрешләр, яңалыклар, кертемнәр, түләүләр турында ишетеп, укып торабыз.

Инде тагын бер яңалык: хатын-кызларга – 40, ир-атларга 45 яшь тулгач, картлык буенча иминият пенсияләре турында мәгълүмат килә башлады. Әлеге яңалыкка ачыклык кертү өчен Пенсия фондының Әтнә бүлекчәсе җитәкчесе Зөлфәт Галиевка мөрәҗәгать иттек.

– Агымдагы елдан башлап, Пенсия фонды гражданнарга картлык буенча иминият пенсияләре һәм пенсия тупланмаларына хокуклары турында мәгълүмат бирә башлады. Әлеге яңалыкка ачыклык кертә алмассызмы?

– Дөрестән дә, 2022 елдан мәгълүмат бирү башланды. Хәбәрнамәләр 45 яшьтән өлкәнрәк ир-атларга һәм 40 яшьтән узган хатын-кызларга дәүләт хезмәтләре порталындагы шәхси кабинетка килә. Мәгълүмат хатын-кызларга – 40, иратларга 45 яшь тулган көнне җибәрелә. Алга таба мәгълүмат һәр өч ел саен җибәрелеп торылачак.

– Әгәр дә ниндидер сәбәпләр нәтиҗәсендә шәхси кабинет булмаса?

– Гражданнарның ЕСАИ теркәлгән шәхси кабинеты булмаган очракта, мәгълүматны Пенсия фондының клиентлар бүлекләрендә алырга мөмкин. Бу очракта, һәр гражданның Пенсия фондына үзенең килүе кирәк. Чит кешегә мәгълүмат бирелми.

– Пенсия фондыннан килгән хәбәрнамәләр нинди мәгълүматларны үз эченә ала?

– Иң беренче чиратта һәргражданин Россия Пенсия фонды юллаган хәбәрнамәдә үзенең картлык буенча хезмәт пенсиясенә хокук алу шартлары белән таныша: – хатын-кызлар

– 40, иратлар 45 яшендә үзләренең күпме хезмәт стажы турында мәгълүмат ала;

– шәхси пенсия коэффициенты күләме турында (ИПК – пенсия баллары) белә; – картлык буенча пенсия алу өчен кирәк булган шартлар;

– шул көндә булган бер шәхси пенсия коэффициентының суммасы турында;

– пенсиянең фаразланган күләме турында.

Тулырак газета битләреннән укый аласыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: