"Игътибар – балалар!"
Балалар арасында юл һәлакәтләрендә травма алу куркынычын киметү максатында 23 майдан 5 июньгә кадәр Татарстанда шул исем астында профилактик чаралар уза.
Узган дүрт ай эчендә республика юлларында 16 яшькә кадәр балалар катнашында барлыгы 100 юл һәлакәте теркәлгән. Аларда өч бала үлгән һәм 104 бала тән җәрәхәтләре алган. Шул ук вакытта җәяүле балалар катнашында 55 юл һәлакәте теркәлеп, 54 зыян күргән һәм 1 бала үлгән.
""Игътибар - балалар!" чарасы кысаларында ЮХИДИ хезмәткәрләре тарафыннан балигъ булмаган балаларны транспорт чарасында йөртү, машина йөртүчеләрнең җәяүлеләргә өстенлек бирүе буенча юл кагыйдәләренең үтәлеше, шулай ук балигъ булмаганнар арасында юл һәлакәтләрен булдырмау максатында профилактик чаралар үткәрү, ата-аналар җыелышларында катнашып балаларның юлда үз-үзләрен тотышы буенча аңлату эшләре алып бару, сәламәтлек лагерьларында төрле конкурслар, викториналар оештыру, мәгариф оешмаларына, сәламәтлек лагерьларена бару юлларының төзеклеген тикшереп тору буенча рейдлар үткәреләчәк",- дип хәбәр итте ЮХИДИ бүлекчәсе җитәкчесе Айнур Ямалиев.
Следите за самым важным и интересным в Telegram-каналеТатмедиа
Нет комментариев