Юл йөрү билгеләрен өйрәнделәр

Балалар күбесе бүтән авылларга барып укый, мәктәптән соң түгәрәккә йөрүчеләре дә аз түгел. Бу исә юлда игътибарлы булу өчен, тагын бер кат юл йөрү билгеләрен белергә кирәклеген азсызыклый.
"Әйдә, улым, син утыр да өйрән!" - диеп, аларны китапка төбәтеп кую мөмкин хәл түгел. Бу эшне булдырып булса да, теләмичә эшләнгән эш, беркайчан да уңай нәтиҗә бирмәгәнен без ачык беләбез. Бигрәк тә андый белемнәрне бергә - бергә җыйсак күңелле дә отышлы да.
Шул уңайдан, Дусым клубында уен форматында балалар белән "Юл йөрү билгеләре" диеп исемләнгән викторина оештырдылар. Алар өчен бу үтә дә кызыклы һәм мавыктыргыч булды.