“Автобус” бара – игътибарлы булыгыз
3-9 август көннәрендә юл хәрәкәте кагыйдәләре таләпләрен үтәү белән бәйле рәвештә, барлыгы 34 протокол төзелгән. Бу хакта Эчке эшләр бүлегенең ЮХИДИ бүлекчәсеннән хәбәр итәләр.
Кагыйдә бозучылар арасында дүртәү – иминият полисы булмаганга, алты йөртүче – тонировка өчен, өч йөртүче – штрафын вакытында түләмәгәнгә административ җаваплылыкка тартылган. Дүрт йөртүче руль артына спиртлы эчемлекләр кулланып утырган. Бер вак юл һәлакәте теркәлгән.
”Мобильник” операциясе кысаларында өч йөртүчегә телефоннан сөйләшеп барган өчен 1500әр сум штраф түләргә туры киләчәк.
Әлеге операция ай ахырына кадәр дәвам итәчәк. 11 августтан исә “Автобус” операциясе башланып китте, ул 18 августка кадәр бара.
Следите за самым важным и интересным в Telegram-каналеТатмедиа
Нет комментариев