Кагыйдә бозучылар арта

 Бу хакта безгә Эчке эшләр бүлегенең ЮХИДИ бүлекчәсе җитәкчесе вазыйфаларын вакытлыча башкаручы Рамил Гәрәев хәбәр итә.
Кагыйдә бозучылар арасында унике йөртүчегә – куркынычсызлык каешын такмый йөргәнгә, дүртесенә – “тонировка” өчен, алты йөртүчегә – номерлары пычрак булу сәбәпле, ундүрт кешегә – иминият полисы булмаганга, тугыз йөртүчегә штрафын вакытында түләмәгәнгә административ протоколлар төзелгән. Дүрт вак юл һәлакәте теркәлгән. Берәүгә  “обгон”га чыккан өчен 5 мең сум штраф салынган. Тагын берәүгә йөртү хокукы булмаган хәлдә руль артына утырган өчен 15 мең сум, ә аңа машинасын бирүчегә – 30 мең сум күләмендә штраф түләргә туры киләчәк. Тагын берәү руль артына йөртү таныклыгы булмаган килеш утырган өчен административ җәзага тартылган.