Бәрәскә урта мәктәбенең башлангыч сыйныфлар укытучысы САФИНА РЕЗЕДА ХӘЛИЛ кызының 25нче октябрь көнне 55 яшьлек күркәм юбилее.

Хөрмәтле Резеда Хәлил кызы! Сез, моңсу көзләргә ямь өстәргә теләгәндәй, табигатьнең шушы мизгелендә дөньяга килеп, барлык туганнарыгызны сөендергәнсез. Бөтен гомерегезне, көчегезне балаларга белем һәм тәрбия бирүче гүзәл зат буларак, хезмәттәшләрегезнең һәм әти-әниләрнең хөрмәтен яуладыгыз. Таләпчән, кирәк чакта кырыс та була беләсез, ләкин һәрчак туры сүзле, гадел, киң күңелле, олы йөрәкле, мәрхәмәтле, ярдәмчел Сез.
Бәйрәмегез белән ихлас котлап, сезгә нык сәламәтлек, гаилә бәхете, күңел тынычлыгы, шатлык-куанычлар белән тулы озын гомер, тигезлек телибез. Әрнүсагыш белмәгез, һәрвакыт шулай мөлаем, олы йөрәкле, ярдәмчел булып калыгыз. Дөньяның барлык рәхәтләрен күреп, балаларыгызның, оныкларыгызның ихтирамын, күңел җылысын тоеп, тормыш иптәшегез белән бергә тигезлектә яшәргә насыйп итсен.
Иң изге теләкләр белән Бәрәскә урта мәктәбе коллективы.