Дусым авылында туып-үсеп, дүрт дистәгә якын гомерен Олы Мәңгәр авылына, танылган “Чулпан” колхозына багышлаган данлыклы шәхес – САБИРОВ НАИЛ ЗАКИР улына 22 август көнне 90 яшь тула.

Дусым авылында туып-үсеп, дүрт дистәгә якын гомерен Олы Мәңгәр авылына, танылган “Чулпан” колхозына багышлаган данлыклы шәхес – САБИРОВ НАИЛ ЗАКИР улына 22 август көнне 90 яшь тула. Хөрмәтле Наил ага! Сезне ихлас күңелдән әлеге олпат юбилеегыз белән котлыйбыз! Сез безнең өчен тырышлык һәм чын күңелдән эшкә бирелгәнлек үрнәге. Тынгысыз йөрәкле, һәр яңалыкны алдан күрә белгән, тирән белем һәм тәҗрибәгә ия булучы, ә иң мөһиме – халык мәнфәгатьләрен аңлап кабул итүче җитәкче булуыгыз белән сез бүген дә күпләрдән бер башка өстен. Сезгә исәнлек-саулык, тыныч-тигез тормыш, куанычлы картлык телибез. Якыннарыгыз кадер-хөрмәтендә тагын бик күп еллар шулай матур итеп яшәргә язсын.

Хезмәте хөрмәт җимеше биргән,

Уңыш ачкычын тапкан кеше сез.

Яшьлекнең үзен сүрелдермичә

Гасыр буена саклар кеше Сез!

Күпме генә гомер итсәгез дә

Юлларыгыз гөлгә күмелсен.

Таң нурлары булып, йортыгызга

Тик шатлыклар гына сибелсен!

Кул көчегез белән җирдә эшләп,

Көн күргәнгә туган илемдә,

Озын юллар сезгә кыска булган,

Шуңа сез яп-яшь әле бүген дә!

Олы ихтирам белән “Мәңгәр” күмәк хуҗалыгы идарәсе, авыл җирлеге, ветераннар советы.