Хөрмәтле Наил Закир улы!

Ихлас күңелдән Сезне олы юбилеегыз белән котлыйбыз. Аллаһ сезне сәламәтлектән, иман байлыгыннан, гаилә иминлегеннән аермасын. Табигый зирәклек, гаделлек һәм бөтен күңелеңне биреп эшләү сәләте, олының да, кеченең дә йөрәгенә үтеп керерлек юллар таба белү – Сезнең олы йөрәкле шәхес булуыгызны тасвирлаучы сыйфатларыгыз. Барлык гомерегезне, көчегезне туган җиргә хезмәт итүгә багышлап, тырыш һәм нәтиҗәле эшегез белән районда гына түгел, республикабызда да дан казанган олы авылдашыбыз Сез. Хезмәтегез ерактан көлеп каршы алган төзек-таза тормышлы авылларында, күкрәп утырган басу-кырларында балкый. Һәр уңышыгыз маңгай тире бәрабәренә яуланган. Үткәннәргә карап шөкер иткән, киләчәккә карап фикер йөрткән Сездәй затның гомер чаптары ару-талу белмәсен.

Көчле рух, сүнмәс яшәү дәрте

Бирелгәндер сезгә тумыштан.

Үр артыннан, яңа үрләр яулап

Яшисез сез, туймый тормыштан.

Сезгә карап сокланабыз һәрчак,

Күңелләрдә туа горурлык.

Рәхмәт сезгә! Әле ярый сез бар

Безгә үрнәк булып торырлык.

Сез, безнең өчен бүгенге көндә дә олы терәк. Тирән хөрмәт белән хуҗалык хезмәткәрләре исеменнән «Дусым» җаваплылыгы чикләнгән җәмгыяте.