Олы Мәңгәр авылында гомер итүче кадерле, якын кешебез, әтиебез – Шакиров Илсур Гариф улының 23 май көнне 80 яшьлек олы юбилее

Әти! Синең янәшәңдә безнең бөтенебезгә дә тыныч, рәхәт, һәрчак бәйрәм. Бу дөньяда җылы оябыз, тату гаиләбез, дәрәҗәбез, кадеребез бар икән, болар барысы да синең тырышлык, күңел җылың, тормышны яратуың нәтиҗәсе. Син һәрвакыт безнең өчен олы терәк, ярдәмче һәм киңәшче булдың. Киләчәктә дә мәңге сүнмәс кояшыбыз булып кал. Тагын бик күп еллар күңел яктылыгыңны тоеп яшәргә язсын. Тормыш ваклыкларын җиңәрлек рух күтәренкелеге, иман байлыгы, елларга баш бирмәс саулык-сәламәтлек телибез сиңа. Әниебез белән тигезлектә, безнең кадер-хөрмәтне тоеп, һәр туар таңга куанып яшә!

Олы синең биргән киңәшең,

Туры синең әйткән сүзләрең.

Шатлык, сөенечтән генә торсын

Син үтәсе гомер юлларың.

Куанычлар гына алып килсен

80 яшең – олы бәйрәмең.

Сиңа бүген бүләк итәбез без

Барлык яхшылыклар бәйләмен.

Иң изге теләкләр белән улың Алмаз, киленең Резеда, оныкларың Ранилә, Риназ, Инзилә. Безнең теләкләргә әниебез Илсөяр дә кушыла.