Олы Мәңгәр авылында гомер итүче СИБГАТУЛЛИН ХӘМБӘЛ ГАРИФ улының 11 апрель көнне 60 яшьлек олы юбилее

Олы Мәңгәр авылында гомер итүче СИБГАТУЛЛИН ХӘМБӘЛ ГАРИФ улының 11 апрель көнне 60 яшьлек олы юбилее. Әтиебез! Сине гомер үрләрен яулый-яулый шушы баскычка килеп җиткән матур юбилеең белән котлыйбыз. Ата-ана һәм туган кадерен белергә өйрәткәнең, туган нигезгә кайтканда кочак җәеп каршы алуың өчен бик зур рәхмәт сиңа. Син безнең җир йөзендәге иң кадерле кешебез. Алдагы көннәребездә дә йөрәгеңнең назын, кулларыңның җылысын, нурлы күз карашыңны тоеп яшәргә язсын безгә. Аллаһ Тәгалә ныклы сәламәтлек, бәрәкәтле имин тормыш, озын гомер бирсен сиңа. Алдагы гомерләрең дә үткәне кебек бәрәкәтле, мул, имин булсын!

Ходай Сиңа озын гомер,

Гомерлек шатлык бирсен!

Кайгы-хәсрәтсез тормыш,

Бәхетле картлык килсен!

Тырыш синең оста кулларың,

Матур эзле үткән юлларың.

Барча туганнарга, якыннарга

Һәрчак изге булды уйларың.

Иң изге теләкләр белән кызың Энҗе, киявең Динар, оныгың Данил. Теләкләребезгә барлык туганнар да кушыла.