Олы Әтнә үзәк шифаханәсенең баш табиб киңәшчесе Азат Харис улы Гариповның 9 июнь көнне олы юбилее – аңа 70 яшь тула

Олы Әтнә үзәк шифаханәсенең баш табиб киңәшчесе Азат Харис улы Гариповның 9 июнь көнне олы юбилее – аңа 70 яшь тула.
Гадилек, кеше күңелен аңлый белү, сабырлык, кирәк чакта үҗәтлек, тәвәкәллек, үз-үзеңне аямау – бу Сезгә бирелгән асыл сыйфатларның берничәсе генә.
Хөрмәтле Азат Харис улы! Сез район җитәкчелегенең һәм район халкының зур ихтирамын казандыгыз. Тырыш, үз-үзегезгә һәм тирә-юньдәгеләргә таләпчән булуыгыз Сезне зур хезмәт уңышларына ирештерде. Сез яулаган үрләр, Сез узган киртәләр һәркем сокланырлык. Киләчәктә дә бергә-бергә матур, тату итеп эшләргә, яңа хезмәт уңышларына ирешергә язсын. Балалар, оныклар бәхете, рух ныклыгы, озын гомер, саулык-сәламәтлек белән гомер кичерегез.
Кыя тауның очларына менеп
Оя кора бары бөркетләр.
Ил күтәрер йөкне иңдә йөртә
Сезнең кебек тырыш егетләр.
Изге теләкләр белән Әтнә үзәк шифаханә коллективы, профсоюзы, ветераннар советы.