Хөрмәтле коллегабыз, техникумыбызның алыштыргысыз җитәкчесе ГАРИПОВА РЕЗИДӘ МӘСХҮТ КЫЗЫ 26 август көнне күркәм юбилеен билгеләп үтә

Хөрмәтле коллегабыз, техникумыбызның алыштыргысыз җитәкчесе ГАРИПОВА РЕЗИДӘ МӘСХҮТ КЫЗЫ 26 август көнне күркәм юбилеен билгеләп үтә. Резидә Мәсхүт кызы! Сезне Габдулла Тукай исемендәге Әтнә авыл хуҗалыгы техникумы коллективы һәм профсоюз оешмасы исеменнән юбилеегыз белән тәбрик итәбез. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр телибез. Якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез. Хезмәтегез авыр һәм бик җаваплы. Сез аны, бар көчегезне куеп, намус белән башкарасыз, шуңа да уку йортыбызның республикада үз урыны, дәрәҗәсе бар. Киләчәктә дә зур уңышларга ирешергә, яңа үрләр яуларга язсын.

Бүген күркәм гомер тантанасы

– Язмыш билге куя үткәнгә.

Туган көннәр белән шатлык, бәхет,

Кабатланып килә көткәнгә.

Туган көндә һәркем хәтер белән

Сүтеп чорный уйлар йомгагын.

Тулы булсын сөенечләр белән,

Киләчәккә илтер гомер еллары.

Олы ихтирам белән Әтнә авыл хуҗалыгы техникумы коллективы, профсоюз оешмасы.