Бездә бәйрәм
Сабантуйлар җитә, Сабантуйлар!
Фәрхәт Сәгъдиев, Түбән Шашы авылы
Сабантуйлар җитә, Сабантуйлар!
Бирнә җыю – аның бизәге.
Халык бердәмлеген чагылдырган
Шушы символ – аның үзәге.
Урам буйлап атлый җигүле ат,
Егет-кызлар милли киемнән.
Шушы тамашада катнашырга,
Яше-карты чыккан өеннән.
Алдан бара көләч, шат балалар,
Өйрәнгәннәр махсус сүзләрне.
Тукталалар һәрбер йорт каршында
Һәм сорыйлар: «Байлар өйдәме?»
Күчтәнәчен алган сабый бала,
Чын күңелдән шуңа шатлана.
Шушы гореф-гадәм авылымда
Буын аша шулай саклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев