12 кешедән торган «Ихлас» волонтерлар группасы Иске Өҗем мәктәбендә эшли башлады

Көндез укучылар белән, аларның буш вакытында, сетка үрү өчен тасмалар әзерлиләр. Кич белән Иске Өҗем авылы волонтерлары сетка үрергә җыела.

– Гуманитар ярдәм киткәндә 134 савыт токмач, "Тура" базарыннан җеп алып кайтып 63 кием носки бәйләтеп җибәрдек. Носкины Өҗем авыл җирлегенә кергән авыл апалары бәйләде. Сетка үрү өчен спанбондларны Петербургтан кайтартканнар. Анда күпкә арзанрак. Сеткаларны интернет кибетләрдән алабыз, – диләр.

Аларның фидакарь хезмәте, кешеләргә карата булган мәхәббәте авыл тормышына яңа сулыш өрде. Киләчәктә дә "Ихлас" волонтерлары үзләренең изге эшләре белән күпме кешенең тормышын яхшыртыр, күпме йөрәккә өмет уятыр.