Күлле Киме урта мәктәбенең 2-4 нче сыйныф укучылары Бөек Ватан сугышының 80 еллыгы уңаеннан Сибгат Хәким исемендәге музейда махсус экскурсиядә катнашты.
Чара аша балалар сугыш чоры ядкарьләре, авылдашлары герой-фронтовик Шәйдулла Лотфуллинның документлары һәм фотолары белән танышты. Экспонатларны фронтовикның кызы музейга истәлекле бүләк итеп тапшырган.
Экскурсия вакытында балаларга сугышчан авылдашларының батырлыгы, фронттагы һәм тылдагы хезмәте турында сөйләнелде.
Нет комментариев