Күәм балалар бакчасы да гуманитар ярдәм җыюга үз өлешен кертте

Быел Бөек җиңүнең 80 еллыгын каршы алырга җыенабыз. Шул уңайдан район күләмендә төрле чаралар уза. Бу эштә район мәгариф бүлеге дә  бик актив катнаша. Алар балаларда патриотик тәрбия бирү уңаеннан аларны төрле иҗтимагый эшләргә дә җәлеп итәргә тырышалар.

Шул уңайдан Күәм балалар бакчасында йөргән балаларның әти-әниләре ярдәмендә, бакча коллективы белән берлектә, махсус хәрби операциясендә хезмәт итүчеләргә гуманитар ярдәм җыю оештырылды. Һәркем үз өлешен кертергә тырышты.