Ясагыз, бүләк отыгыз!

Бу уңайдан иң яхшы сыерчык оясына конкурс игълан итәргә булдык. Ояны редакциягә китереп, икеләтә отачаксыз. Исемегез район күгендә балкыса, изгелегегез ике дөньялыкта да яктыртучы нур булыр. Чөнки ул ояларны Югары Көек авылына – “Габдуллаҗан урманы”н булдырган Габдуллаҗан абый Нигъмәтҗановка илтеп бирергә хыялланабыз. Беләсездер, урманда ул урнаштырган сыерчык ояларының саны санап бетергесез. Күрәсезме, бу тагын бер саваплы эш. Мөмкинлектән файдаланып калырга тырышыгыз.