Бәрәзә авылы мәчетендә күркәм эшләр башкарыла

Авылыбыз мәчетендә, авылның уңган-булган халкы белән күркәм эшләр башкарабыз, Әлһәмдүлилләһ!

- Мәчетнең тирә-юне карап, чистартылып торыла. Яңа гына тәһарәтханә эшләп куйдык. Мәчеткә гыйбадәт кылырга килүчеләргә, мосафирларга, дин дәресләре алырга йөрүчеләргә уңайлы булсын дигән ниятне күздә тоттык . Бигрәктә күңелне куандырганы халыкның, яшенең-олысының, Аллаһ юлына тартылуында. Намазга килүчеләр саны артуында. СөбһәнӘлла!. Аллаһка шөкер балаларга, өлкәннәргә дин сабаклары үткәрелә. Рәйхана, Фәридә абыстайлар тырышып әхлак, дин дәресләрен алып баралар. Аллаһының рәхмәтләре ирешсен үзләренә.Рамазан ае якынлашып килә, шул уңайдан мәчеткә йөрүчеләр белән бергә махсус хәрби операциядәге егетләребезнең әтиләрен, туганнарын җыйнап, үзебезнең район мөхтәсибе Наил хәзрәт белән берлектә вәгазь кичәсе уздырдык. Аллаһы Раббыбыз һәркайсыбызга саулык, сәламәтлек, тынычлык, бәрәкәт ирештерсен.Әмиииин, – дип хәбәр итте Бәрәзә авылы имамы Рәис хәзрәт!