Нәрсә ул Бәрзах?

"Кешенең ахирәттәге тормышы нәкъ менә үлгәннән соң башлана. Мәгълүм булганча, үлем – ул җанның тәннән аерылуы. Җанның үлем вакытындагы һәм үлемнән соңгы халәте галимнәрне генә түгел, гади кешеләрне дә бик кызыксындыра.

Коръән һәм сөннәттә бу хакта мәгълүмат күп түгел, әмма шунысы билгеле – кеше үлгәннән соң җанның Кыямәт көненә кадәр булачак урыны «Әл-Бәрзах» дип атала.

Бәрзахта кеше үлгән көненнән башлап, кабереннән кубарылуына кадәр булачак. Һәрбер кеше, бу дөньядан нинди хәлдә китүенә карамастан, Бәрзах тормышын үтәчәк һәм Кыямәт көнендә кабереннән кубарылачак.

«Әл-Бәрзах» сүзенең телдәге мәгънәсе – «ике нәрсәне бүлә торган пәрдә» яки «киртә».

«Әл-Бәрзах» төшенчәсен шулай тәгаенләп була: «Әл-Бәрзах» ул фани дөнья белән Кыямәт көнен бүлә торган ара”, дип яза “Хозур дин турында”.

Чыганак