Ураза гаете мөбарәк булсын!

– Әссәламүгаләйкүм үә рах­мәт­уллаһи үә бәрәкәтүх, райондашлар! Ураза гаете белән ихлас котлыйм, тоткан уразаларыбыз кабул булса иде, – дип изге теләкләрен җиткерде ул.
Аллаһның рәхмәте белән чираттагы Ураза гаетенә аяк басабыз. Бу көнне иртәнге намаз 4.00дә уза. Моннан соң Коръән укыла һәм әрвахлар рухына багышлана.
Ураза Гаете көнне кояш иртәнге 5.17 сәгатьтә чыга. 5.20ләрдә бәйрәм өлеше башлана – килгән мөэмин-мөсел­маннар Ураза Гаете вәгазен тыңлый. Ә 6.00 сәгатьтә Гает намазы башлана. Моннан соң бәйрәм хөтбәсе үтә. Соңыннан Коръән аять-сүрәләрен укып, дога кылабыз.
Кабат исегезгә төшерәбез – Гаеткә кадәр үк фитыр сәда­касын түләп бетерергә кирәк. «Пәй­гамбәребез Мөхәммәд салалаллаһу гәләйхи үәссәләм Рамазан уразасыннан соң колга да, иреклегә дә, ир-атка һәм хатын-кызга да, олы кешегә һәм мөселман баласына да хөрмә яки арпа рәвешендә сәдака бирергә кушты» диелә «Сәхих әл-Бохари»да, шулай ук “Сәхих әл-Мөслим”дә. 
Зәкят Әл-Фитр фәкыйрьләргә, мохтаҗларга булышу, аларны бәйрәм көнендә үтенеч белән мөрәҗәгать итүдән коткару максаты белән, ә ярдәм итүчеләргә ура­за вакытында җибәргән хата­ларын йолып алу максаты белән тагылган. Бу сәдака Аллаһ илчесенең җәмгыятенә йөкләнгән. Әл-фитр сәдакасы яр­дәмендә ураза тотучы кеше ярлыларны ризык белән тәэмин итү, ә үзенә – буш сөйләшүләрдән арыну мөмкинлеге ала. Әгәр дә зәкят әл-фитр бәйрәм намазына кадәр бирелгән булса, ул исәпкә алына, ә инде намаздан соң түләнсә, ул гади сәдака буларак кына карала.
Ул авыр хәлле, фәкыйрь, мохтаҗ кешеләргә генә бирелә. Әгәр дә фитрны Ураза гаетендә генә яки соңрак бирсәгез, ул гади сәдакага әйләнеп калачак. Татарстан мөселманнарының Диния нәзарәте билгеләгәнчә, аның нисабы – көмеш буенча 57 мең сум дип билгеләнде. Фитр сәдакасының иң аз күләме – 200 сум, зәкәт чыгарырлык байлыгы булучылар өчен – 1100 сум. 
Ә зәкәт чыгаруның нисаб күләме – алтын буенча 720 мең сум. Гадәттә, зәкәт тә шушы Рамазан ае ахырында түләнә. Уразаны каза, шулай ук кәффәрәт кыласы кешеләр, боларны бәйрәм үткәч башкара алалар.