Моңлы азан

Әлһәмдүлилләһи, шөкер,

Котлы булсын Рамазан!

Аллаһыга шөкер, мәчетләрдә,

Яңгырар һәр көн азан.

Әй Рамазан, Рамазан,

Хөрмәтлибез без сине.

Ихлас мөселман буларак

Очраштырасың безне.

Аллаһ мөселманлык биргән,

Тотыйк әле ураза.

Гөнаһлардан арыныйк без

Аллаһ биргән шул айда.

Изге Рамазан аенда,

Сызылып таңнар атканда.

Бик тә күңелле бит ул

Сәхәрләргә торырга.

Фәрештәләр белән бергә

Сәхәргә без торабыз.

Бер Аллаһым кабул итсен,

Күп гыйбадәт кылабыз.

Мәчеткә мөселманнар

Азан тыңларга бара.

Язсын иде азан тавышын

Бездән соң да тыңларга.