Бу дөньялар шулкадәрле тар

Бу дөньялар шулкадәрле тармыни соң???
Әллә күңел кырларыбыз чикләнгәнме? 
Ничек алып ыргытырга күңелләрнең 
" Имана"сын билгеләгән читәннәрне?

Нигә тәвә кошы кебек башлар комда? 
(Шәрә артны күрми мескен маңгай күзе.)
Җан капкасын дөбердәтеп шакып карый 
Якыннарның араларны ялгар сүзе... 

Колакларны мүк басканмы, йөрәкнеме? 
Күккә бакты күзкәйләрем җавап эзләп:
-Кая таба тәгәрибез дөнья белән, 
Күчәрләрне сындырырдай тайгак эздән???- 
.....
Рүзия Камаева,

 14.08.18

Фото: https://pixabay.com/