Әтәчләнмә, кабаланма!

АГАЧ КАШЫК

Әтәчләнмә, кабаланма,
Иртә бит чаң кагарга,
Паровоз алдыннан сиңа
Кирәк микән чабарга?

Үз үзеңне күккә чөеп, төк(е)рек чәчеп мактанма,
Чын татарга тыйнаклык хас, халык бар бит мактарга!

"Өстем бөтен, тамак тук" дип мәҗлес саен кикермә,
Авыз тулы кан булса да,
Адәм барда төкермә!

Ул гамәлең бер әйләнеп үз башыңа кунмасмы,
Халык түзем, тик шулай да
Сабыр-касә тулмасмы?

Күктә бары пәйгамбәрләр!
Очынма(ә)ле! Ашыкма !
Тормыш узе курсәтә ул,
Чүмечме син, кашыкмы?!

Марсель Шарапов.
7.12.2018.

С.Мингатина фотосы