4 декабрь - Татарстанның Халык шагыйре Сибгат Хәкимнең туган көне

4 декабрь - Татарстанның Халык шагыйре Сибгат Хәкимнең туган көне.  Шул уңайдан Күлле Киме мәктәбенең башлангыч сыйныф укучылары өчен музейда экскурсия уздырылды. Музей җитәкчесе Гөлсинә апа Хәкимуллина сөйләгәннәрне укучылар игътибар белән тыңладылар.

Сибгать Хәкимнең гомере буена игътибарын биләп торган мөһим темаларның тагын берсе ул – туган җир темасыдыр. Үзе туып үскән Казан арты төбәгенә, аның табигатенә, кешеләренә мәхәббәт хисе шагыйрьнең бөтен иҗатын озатып бара. Казан арты төбәге шагыйрь күңелендә бөтен Татарстанның, бөтен татар халкының шигъри образы рәвешендә гәүдәләнә.  Сибгать Хәким – Әтнәбезнең горурлыгы ул.