Әфган сугышы - “Кызыл тюльпан” символы булган Бөтенроссия акциясе игълан ителде

15 нче февраль – бөек татар шагыйре, Советлар Союзы герое Муса Җәлилнең тууына 119 ел һәм Совет гаскәрләрен Әфган җиреннән чыгарылуга 36 ел тулды.
Шул уңайдан Әтнә район мәдәният йорты хезмәткәрләре 13 нче февраль көнне Олы Әтнә урта гомуми белем бирү мәктәбендә Муса Җәлилнең тормыш юлын, гаиләсен, батырлык турында шигыре чагылдырылган буклетлар таратылды. Муса Җәлил – олылар белән беррәттән,балалар өчен дә бик күп иҗат иткән. Аның иҗатын балалар кечкенәдән белергә,өйрәнергә тиеш.Шагыйрьнең шигырьләрен дөрес,сәнгатьле итеп,аңлап,сөйләү күнекмәләрен үстерү максатыннан,без балаларга мастер класс үткәрдек.Шагыйрь әсәрләрендәге геройлар кебек илгә,халыкка тугърылыклы,намуслы,дус,бердәм булып үсәргә өйрәтү төп бурычларыбызның берсе! 
1979 елның 25 декабреннән,1989 елның 15 февраленә кадәр барган бу сугыш беркемне дә битараф калдырмады.Сугыш 9 ел 1 ай һәм 18 көн дәвам итә.15 февраль сугышчыларны искә алып, аларга ихтирам йөзеннән, Әфган сугышы - “Кызыл тюльпан” символы булган Бөтенроссия акциясе игълан ителде.
Укучыларга төсле кәгазьләрдән “Кызыл тюльпан –Ләлә чәчәге”нә мастер класс үткәрелде. Балалар үз куллары белән матур-матур чәчәкләр ясадылар,бик теләп катнаштылар.Әлеге мастер класс – матурлык кына тудырып калмый,балаларга файдалы кул эшләренә кызыксыну уята,сабырлыкка,пөхтәлеккә аларның игътибарларын камилләштерергә ярдәм итә.