Агымдагы ел дәвамында ришвәт бирү очраклары күзәтелмәгәнме?

9 декабрь – Халыкара Коррупциягә каршы көрәш көне

Ришвәтчелеккә каршы көрәш көне Берләшкән Милләтләр Оешмасы тарафыннан кабул ителә hәм ел саен 9 декабрьдә билгеләнеп үтелә.

Агымдагы ел дәвамында ришвәт бирү очраклары күзәтелмәгәнме?

• Мәгариф бүлеге җитәкчесенең тәрбия эшләре буенча урынбасары  Гөлфия Халикова:
• Агымдагы елда мәгариф өлкәсендә хокук бозу очраклары күзәтелмәде. Район мәгариф бүлегендә коррупциягә каршы эш еллык план нигезендә алып барыла. Ул һәр яңа уку елына яңартыла, чаралар үзгәртелә. Һәр ел саен сентябрь-октябрь айларында иҗади эшләр конкурсы уздырыла. Бу конкурсның республика этабында урын алучыларыбызның ел да булуы күңелле хәл. Быел да республика турына җибәрелгән эшләрнең икесе җиңүчеләр рәтендә. Алар Олы Әтнә урта мәктәбе укучылары – Азат Гәрәев (җитәкчесе – Алия Сабирҗанова) һәм Дәниф Сайтханов (җитәкчесе – Исмагыйлев Руслан).