Әлмәт шәһәренең «Нефтьче» мәдәният сараенда республикакүләм «Татар кызы – 2026» бәйгесенең финалы узды

Быелгы бәйге бөек татар шагыйре Габдулла Тукайның 140 еллыгына багышланды. Финал программасының төп мәгънәви юнәлеше кешене бу дөньяга беркетеп торучы җиде тамыр – туган тел, милләт тарихы, гореф-гадәтләр, әдәби-мәдәни мирас, дин һәм иман, гаилә һәм туган ил төшенчәләренә нигезләнде.
Финал кичәсендә Татарстан Республикасы Дәүләт җыр һәм бию ансамбле, Руслан Закиров, Эльвира Мифтахова, Defne (Фәүзия Кадыйрова), «Болгар кызлары» төркеме, Вилдан Әбраров, Алмаз һәм Айдар Юнысовлар чыгыш ясады. "Татар кызы" бәйгесендә Әтнә районыннан ике кызыбыз Ясминә Гыйлаҗева белән Нәзирә Хәкимова катнашты. 
Кызларның һәрберсе дә махсус номинацияләрдә бүләкләнде.

Безнең Әтнәбез кызлары «Иң ягымлы кыз» – Гыйләҗева Ясминә Радик кызы (Олы Бәрәзә авылы кызы);
«Иң иҗади кыз» – Хәкимова Нәзирә Рәис кызы (Югары Сәрдә авылы кызы) номинацияләрендә җиңүчеләр булдылар.

Республикакүләм «Татар кызы» бәйгесенең төп җиңүчесе Балтач районыннан Динә Зарипова булды.