Әтнә районы Эчке эшләр бүлегенең миграция пункты хәбәр итә

Россия президентының 30.12.2024 елгы 1126 номерлы Указы нигезендә, чит ил гражданнарына карата, илдән чыгарып җибәрү, махсус учреждениеларга урнаштыру һәм илгә керүне тыю буенча каралган чаралар вакытлыча туктатылып торачак.

2025 елның 1 гыйнвареннан 30 апрелена кадәр илдә тору тәртибен бозган һәрбер чит ил гражданы, үзенең хокукый вәкаләтен рәсмиләштерер өчен эчке эшләр бүлегенең территориаль органына мөрәҗәгать итәргә тиеш.

РФ эчке эшләр бүлеге илдә торыр һәм эшләр өчен документлары булмаган чит ил гражданнарыннан илдә тору вакытын озынайту турында гаризалар кабул итә һәм барлык рәсми чараларны үтәгәннән соң илдә тору һәм эшләү хокукын дәлилләүче документларны бирә.