Әтнәдә “Җәяүле” операциясе башлана

Районыбызда 25 марттан 7 апрельгә кадәр “Җәяүле” оператив-профилактика чарасы бара. Бу чорда юл хәрәкәтендә катнашучыларның, бигрәк тә җәяүлеләрнең куркынычсызлыгын тәэмин итүгә аерым игътибар юнәлдереләчәк. Полиция хезмәткәрләре юлларны, тротуарларны, җәяүлеләр кичүләрен җентекләп тикшерәчәк, шулай ук транспорт чараларының юл чикләүләрен үтәвен дә контрольдә тотачаклар.

Җәяүлеләрне юл хәрәкәте кагыйдәләрен төгәл үтәргә чакырабыз. Юлны билгеләнгән урыннарда, ягъни җәяүлеләр кичүендә генә чыгарга кирәк. Көндез дә, һәм бигрәк тә караңгы вакытта, күренеп торучы киемнәр кияргә, яктырткычлар яки рефлекторлар кулланырга онытмагыз. Йөргәндә телефоннан сөйләшү яки башка нәрсә белән шөгыльләнү юл һәлакәтенә китерергә мөмкин, шуңа күрә игътибарлы булу бик мөһим.